Во Македонија во текот на месец август, пријавени се вкупно 112 случаи на Ковид-19 (I=6,1/100.000), соопшти Институтот за јавно здравје (ИЈЗ).
-Во однос на претходниот месец јули 2023 (n=23), се регистрира зголемување на бројот на пријавени од Ковид-19 за 4,6 пати, a во однос на месец август 2022 (n=12.354) се регистрира многукратно намалување на заболените.
Од заболените во август 2023, најголем број на заболени (n=34) се пријавени од Скопје, а највисока инциденца (73,4/100.000) се регистрира во Кавадарци.
Триесет и пет од заболените лица се реинфекции.
Во текот на месецот пријавено е едно починато лице.
Регистрирани се заболени лица во сите возрасни групи, со најголем број на случаи пријавени во возрасната групата над 60 години (n=44; 39,3%), стои во извештајот на ИЈЗ, кој еМагазин редовно го пренесува.
Фото: МЗ