Само 26% од Европејците се за прием на Македонија во Европската Унија, а 27% се против.
Граѓаните на ЕУ се повеќе за влез на Украина и Молдавија во Унијата, отколку на земјите од Западен Балкан, покажува истражување кое го пренесе Гардијан, а кое е спроведено во шест земји членки, пред престојниот Самит на Унијата на кој едно од прашањата е проширувањето.
Најмала подршка има за Косово (20% се за, а 37% против), Албанија (24% за, 35% против), Србија (25% за, 35% против), Грузија (25% за, 31% против), Босна и Херцеговина (28% за, 29% против), Молдавија (30% за, 28% против) и Црна Гора (30% за и 25% против).
Истражувањето покажува и силно противење на можноста Турција да се приклучи на ЕУ. Над 50 отсто од анкетираните во шестте земји се противат на идејата земјата да стане членка.
Анкетата покажа дека поддршката за влезот на Украина е највисока во Данска (50%) и Полска (47%). Поделено мислење има во Романија (32% за, 29% против), во Германија (37% за, 39% против) и во Франција (29% за, 35% против). Најмала поддршка за Украина во ЕУ има во Австрија каде што 52 отсто од анкетираните се против.
Постои јасна поделба меѓу „старите“ и „новите“ земји-членки на ЕУ во однос на проширувањето.
Испитаниците во Австрија (53%), Германија (50%) и Франција (44%) кажале дека ЕУ не треба да прима нови членки. Спротивно на тоа, во Романија мнозинството (51%) и во Полска (48%), веруваат дека ЕУ треба да се прошири.
ПОВРЗАНИ ВЕСТИ
Македонија ќе го продолжи европскиот пат кога ќе ги усвои уставните измени
Фото: Унсплеш