Поскапувањето на лебот по правило носи поскапување и на останатите производи и опасност од зголемување на инфлацијата.
Изјава на вицепремиерот Кочо Анѓушев дека поскапел само најевтиниот леб беше со негодување дочекано од голем број македонски граѓани, кои едвај успеваат да ги покријат месечните трошоци за храна и комуналии. Имено, токму тие ќе го осетат поскапувањето на овој вид производи.
Владата најави дека ќе ја следи состојбата и ќе реагира ако има потреба преку стоковните резереви, но засега нема да интевенира на пазарот.
Тоа значи дека популацијата која досега се прехрануваше со овој вид производи ќе мора да одвои дополнителни средства за секојдневната набавка на леб, што секако негативно ќе влијае врз семејните буџети.
Уште погодлем удар врз и онака нискиот стандард на граѓаните може да предизвика евентуалниот бран поскапувања што може да ги повлече зголемување на цените на дел од пекарските производи.
ПОВРЗАНИ ВЕСТИ
Три компании од Скопје и една од Тетово ја зголемиле цената: Поскапен еден тип на леб