Анализирано од аспект на намената на кредитите одобрени на физичките лица, кај најзастапените категории ‒ потрошувачките и станбените кредити, во декември е остварен месечен раст од 0,7% и 1,3%, соодветно, кој на годишно основа изнесува 11,1% и 15,2%, соодветно, покажуваат најновите податоци на Народната банка.
Автомобилските кредити и кредитите одобрени на кредитни картички во декември забележаа месечен пад од 0,2% и 0,9%, соодветно, при истовремено годишно намалување од 1,3% и 0,3%, соодветно.
Во последниот месец од годината, кај негативните салда на тековните сметки е евидентирано сезонско месечно намалување од 9,0%, додека на годишна основа е забележан раст од 5,7%.
Кредитите одобрени врз други основи, во однос на ноември годинава, незначително се намалија за 0,1%, но сепак анализирано на годишно ниво остварија раст од 0,9%.
ПОВРЗАНИ ВЕСТИ
Раст на депозитите и кредитите на корпоративниот сектор
Зголемување на штедните влогови и кредитите на граѓаните