„Среде пустинската убост“ е насловот на видео-записот подготвен од стручни тимови составени од директори на фотографија, продуцент, монтажер и режисер, кои веќе извесен период наназад присуствуваа во Бигорското светилиште, трудејќи се вешто да го уловат и стават на камера секојдневниот монашки живот во Обителта, информираа од Бигорскиот манастир на својот Фејсбук-профил.
„Станува збор за песна која е своевиден приказ на монашкото секојдневие, составена од светогорски монах, што Бигорското братство успеа да ја преведе и препее, создавајќи композиција која што плени со прекрасните стихови што ја искажуваат длабочината на монашкиот живот, и со топлата архаична мелодија успешно го пренесува мистичниот амбиент во кој живее и се движи монахот“, велат од Бигорски.
Режисер и монтажер на видеото е Горан Костадинов, камера Кристијан Теодороц и Александар Ивановски, дрон Дарко Данаилов.
Фото/Видео: Бигорски манастир