(ВИДЕО) Груевски во стан на Кинези во Будимпешта се сретнал со функционер на унгарското МНР

Унгарскиот портал 444.hu кој објави ново видео со поранешниот македонски премиер Никола Груевски, кој стана азилант во Унгарија, пишува дека тој во стан до редакцијата на порталот, имал средба со Иштван Јо, државен секретар на Министерството за надворешни работи на Унгарија.

„Не е ништо посебно Министерството за надворешни работи да биде во контакт со личност во Унгарија, која била премиер во својата земја долг период“, одговориле од унгарското МНР на прашање за средбата на 444.

Станот во кој се сретнале Јо и Груевски, според катастарските податоци е во сопственост на двајца кинески државјани.

Според порталот 444 станот вообичаено се издавал на гости преку „Ер-би-ен-би“, а од редакцијата се сомневаат дека станот е во сопственост на унгарските безбедносни служби и се користи за тајни средби.

ПОВРЗАНИ ВЕСТИ

(ВИДЕО) Груевски не му одговори на унгарски новинар од што живее во Будмипешта и дали се видел со Орбан

Груевски на унгарски јазик се збогува од Собранието

„Ако Камчев доби пасош за едукативни цели можи Груевски е преку Еразмус Будимпешта заминат„: Твитер реакции

Фото/видео: 444.hu