Државната комисија за спречување на корупцијата нема отворено предмет за поранешната специјална јавна обвинителка, Катица Јанева, која е во притвор и третосомничена во случајот „Рекет“.
Претседателката на Антикорупциска, Биљана Ивановска изјави дека тие не водат случај за Јанева. Поранешната специјална обвинителка пријавила само една промена во анкетниот лист и тоа за купување половно возило.
-Катица Јанева има поднесено една промена на анкетниот лист. Се однесуваше за купено возило. Обвинителството си води истрага. Ние не водиме предмет за Катица Јанева во моментов, бидејќи доволно се истражува во јавното обвинителство, рече Ивановска додавајќи дека во нејзиниот анкетен лист е само таа една промена, и оти нема значителни движења.
МИА
ПОВРЗАНИ ВЕСТИ
Каков имот пријавила специјалната обвинителка Катица Јанева
Ван Хојте за ИРЛ: Јанева треба да ја истражува специјален суд, а не колегите