Владата го објави предлог-буџетот за 2019 година во кој меѓу другото за изградба и реконструкција на административни згради на државните органи се предвидува да се потрошат 217,5 милиони денари или околу 3,5 милиони евра.
„Во рамките на оваа потпрограма се предвидени активности поврзани со изградба и реконструкција на административни згради на државни органи, како и ентериерно уредување на Градска куќа“, пишува во буџетот.
Инаку, изградбата на Градска куќа за потребите на администрацијата на Град Скопје почна уште во 2011 година. Новиот објект во неокласичен стил требаше да биде готов за четири години, но тој сѐ уште се гради под скопското Кале.
Се предвидува таму да бидат сместени кабинетот на градскиот татко, Архивата на Град Скопје, салата за Советот, како и други простории за градската администрација.
Градската куќа е дел од проектот „Скопје 2014“ на ВМРО ДПМНЕ.
ПОВРЗАНИ ВЕСТИ
Буџет за 2019 година: Владата одвои повеќе пари за претседателот Ѓорѓе Иванов
Буџет за 2019 година: Новата Оперативно-техничка агенција доби 50,1 милиони денари
Рекордни 461 милиони евра за плати на администрацијата во буџетот за 2019 година