Во велешката Општа болница се хоспитализирани 100 пациенти, што е најмногу од почетокот на пандемијата до денеска. Педесет и пет се на кислородна поддршка, што е исто така најголема бројка досега.
Портпаролката на велешката болница, Елеонора Јованова вели дека за жал бројот на пациенти со тешка клиничка слика на Ковид-19 и на кислородна поддршка постојано расте.
Во изминатите 24 часа повторно се сместени ковид-пациент на Физикално одделение, а кое од вчера повторно е ковид-сместувачко одделение и таму сега има четири пациенти. На Инфективно има 46, во Модуларната болница 41 и на Интерно Б крак се седум пациенти.
Починати се четири пациенти, испишани се три пациенти како оздравени со по еден негативен тест.
ПОВРЗАНИ ВЕСТИ
МИА/Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.