Бизнисменот Орце Камчев, кој денеска во Кривичниот суд се појави во својство на сведок во случајот „Рекет“ меѓудругото рече дека и обвинителката Лиле Стефанова преку нејзиниот пријател, бизнисменот Ванчо Чифлиганец барала средства за ќерката на Лиле за ординација во зградата на „Адора“.
Со реакција се јави Чифлиганец:
„Би сакал одговорно да ѝ соопштам на јавноста, дека во животот и конкретно во случајот, ниту ми е барано, ниту сум нудел од мое име, или во друго име, било каква недвижност, или било каква материјална корист.
Одговорно тврдам дека во врска со конкретниот случај, немало никаква средба, ниту во мојот, ниту во нечиј друг стан.
Секогаш сум бил подготвен да им помагам на луѓето во согласност со законските прописи. Беспредметно е, дури и попатно спомнување на моето име“.
ПОВРЗАНИ ВЕСТИ
Боки 13 вели дека Кичеец му ја вратил на Камчев фамозната торба „Луј Витон“
На средба со Боки 13 во неговиот дом бил и министерот Венко Филипче, откри Камчев
Фото: Адора инженеринг