Во моментов се тестираат 12 пациенти за корона вирусот, осум се комшии на заразените од Дебар

Во моментов се тестираат 12 пациенти на корона вирусот, информираше на прес-конференција министерот за здравство, Венко Филипче.

„Двајца на Клиниката за инфективни болести се со знаци на грип.Тие патувале во Италија и дошле здрави пред шест дена, но утрово развиле симптоми и земени им се материјали.

Се тесираат и осум лица од Дебар, кои се комшии на тројцата заболени пациенти и кои се хоспитализирани пред неколку дена, а живеат во куќа лепенка со заразените и имале интензивни контакти со нив.

Се тестира и лице од Кочани кое било на Инфективна клиника во Штип и едно лице од Прилеп испратено од тамошниот Центар за јавно здравје,“ рече Филипче.

Другите шест пациенти кои се заразени со корона вирусот имаат лесна клиничка слика и дишат потпомогнати само со кислород, без механика.

Лицата кои се во домашна изолација за сега не покажуваат никакви знаци и се здрави.

ПОВРЗАНИ ВЕСТИ

Павле Богоевски ќе биде во самоизолација бидејќи се вратил од Германија, во моментов нема симптоми на корона вирусот

Кои хронично болни лица треба посебно да бидат претпазливи на корона вирус и ослободени од работа

Важно ако одите или пристигате: Кои држави спаѓаат во високоризични и средноризични за корона вирусот