Лабораторијата за Генетика и персонализирана медицина при Клиниката „Жан Митрев“ воведува нова поекономска услуга за детекција на новиот коронавирус (SARS-CoV-2).
„По примерот на многу држави во светот, овозможуваме комбинирање на 3-5 примероци во еден тест (pooling).
Доколку тестот е негативен, сите тестирани примероци со него се негативни.
Доколку тестот испадне позитивен, сите примероци се тестираат поединечно за да се утврди од каде потекнува позитивниот сигнал.
Овој тип на тестирање може да биде применлив за сите, но е најсоодветен за луѓе коишто работат во ист работен простор (како фабрики, болници, компании), се дел од истата фамилија или поминуваат голем дел од денот заедно.
Цената на тестот е 1.500 ден по пациент,“ информираат од клиниката на нивниот фејсбук-профил.
За повеќе информации за резервирање на термин јавете се на телефонскиот број 02 3091 484.