Градоначалникот на Кавадарци, Митко Јанчев, кој е и косопственик на компанијата „Кожувчанка„, има две канцеларии.
Едната е градоначалничката во зградата на Општината, а другата во „Кожувчанка„.
Во првата како што вели поминува и по 10 часа на ден, а во втората оди во сабота, а понекогаш и не.
Вели дека не ја реновирал канцеларијата кога ја презел, туку само ја реорганизирал.
На бирото има и фотографија со неговите три деца, а како што вели повеќето од предметите во неговата канцеларија се подароци.
-Јас лично не придавам посебно значење на предметите и не се врзувам за нив, вели тој.
Едно ќоше е целото покриено со подарени икони.
Друго пак со бројни благодарници од невладини организации, спортски клубови, детски фестивали…
-Не се изложени сите. Немам место, вели тој.
Во неговата канцеларија свое место има и еден од најпознатите македонски сликари Петар Мазев, кој е роден во Кавадарци, како и од Влатко Темков.
На еден од ѕидовите висат и две карикатури со него, подароци од Кабинетот, кои дефинитивно го доловуваат неговиот дух.
ПОВРЗАНИ ВЕСТИ
Сите стории од рубриката на еМагазин, „Канцеларија“, ОВДЕ.