Поранешниот премиер и лидер на ВМРО-ДПМНЕ, Никола Груевски бара доказ од актуелниот претседател на партијата, Христијан Мицкоски дека е во комуникација со актуелната Влада и дека го дели ВМРО-ДПМНЕ.
Реакцијата на Груевски следи откако Мицкоски за германски весник изјави дека Груевски е во тајна комуникација со Владата и дека работи на поделба на партијата.
ПОВРЗАНИ ВЕСТИ
Груевски е во тајна комуникација со Владата, тврди Мицкоски за германскиот весник ФАЦ
-Во врска со изјавата на Христијан Мицкоски за германскиот медиум ФАЦ, а поврзано со мене, го повикувам јавно да одговори на следните две прашања: Дали е точно дека тоа го кажал во изјавата за германскиот медиум, доколку е точно, дали може лично тој јавно да каже со кој мој потег, изјава, натпис или било што јас сум се обидел да ја поделам партијата и да даде доказ дека јас сум прифатил валканата игра со власта која треба да ја спроведам со помош на мои приврзаници во партијата.
Се надевам дека одговорот ќе е јасен, недвосмислен, директен и личен исто како и изјавата, без префрлање на изјави на преставници на партијата, портпароли, давање брифинзи на портали или други медиуми со кои има блиска соработка, пишува Груевски на Фејсбук.
ПОВРЗАНИ ВЕСТИ
Не сум учествувал на никакви тајни средби: Груевски го демантира Ахмети
Груевски го демантира Пендаровски: Од никого не сум побарал да бара амнестија за мене
Заев, Груевски и Ахмети имале тајни средби за измените на Кривичниот законик, тврди лидерот на ДУИ
Фото: Груевски/Фејсбук