Државната комисија за спречување корупција (ДКСК) отвори предмет за случајот со министерката за финансии Нина Ангеловска, со цел да испита дали има судир на интереси, во врска со нејзиното постапување со средствата кои ги имала во Еуростандард банка, пред таа да биде ставена во стечај.
Ангеловска деновиве соопшти дека парите од Банката ги извадила пред една година и ги инвестирала во стан и инвестициски фонд.
Каков имот пријавила
Станот за кој зборува Ангеловска е евидентиран во нејзиниот анкетен лист.
Според податоците кои ги доставила до ДКСК, станот е проценет на 6,1 милиони денари, е од 73 метри квадратни и е во Скопје, а е купен годинава.
На свое име пријавила и деловен простор од 5 и 11 метри квадратни, кои ги стекнала во 2013 година.
Во 2019 година во инвестициски фонд инвестирала 8 милиони денари.
Освен во Еуростандард банка, пари имала и во УНИ банка, кои според нејзиниот анкетен лист, исто така ги повлекла во 2019 година.
На свое име и на име на брачен дугар пријавила и удели, но нема податок каде, акции, за кои исто така нема податок каде…
Целиот нејзин анкетен лист, ОВДЕ.
ПОВРЗАНИ ВЕСТИ
Фото: Влада