Лицемерни и иронични се изјавите на францускиот претседател Емануел Макрон со кои се обиде да ја оправда блокадата на датумот за преговори за Македонија и покрај тоа што земјата ги исполни сите правни и политички предуслови од Европската Унија.
Во неговото обраќање тој вчера меѓудругото рече дека не доволно се инвестира во земјите соседи на ЕУ и дека отпочнување на преговори не значи ништо за државите и нивните народи, бидејќи тие преговори може да траат и по 5 или 10 години и повторно да предизвикаат фрустрација кај земјите со кои се преговара.
„Ни требаат економски, образовни, културни и лингвистички инвестиции. Треба да им помогнеме директно, а не само да зборуваме за отворање на преговори“, изјави Макрон на прес-конференцијата.
Се чини дека францускиот претседател не прати многу економија бидејќи во спротивно ќе знаеше дека една од најголемите француски банки Сосиете Женерал во моментов е во процес на продажба на Охридска банка на австриската Шпаркасе банка.
Продажбата следува само неколку години откако Сосиете Женерал стекна мнозинство акции од Охридска банка.
Вусшност, статистичките податоци покажуваат дека Франција е еден од најслабите странски инвеститори во Македонија во споредба со останатите европски земји. Слична е состојбата и во однос на државната помош и грантовите каде Франција е „мало дете“ во споредба со другите земји од Европа.
Така што, ваквите солени и непромислени изјави не му доликуваат на претседател на една земја како Франција и тоа само за да ги оправда нелогичните чекори кои го уриваат кредибилитетот на неговата земја и на Европската Унија.
ПОВРЗАНИ ВЕСТИ
Охридска банка Сосиете женерал се продава на Штаермеркише Шпаркасе
Почнува продажбата на Охридска банка
По изјавите на Макрон: Македонија веќе не треба да се надева на датум за преговори
Макрон по блокадата: Иднината на Македонија и Западен Балкан не мора да биде во ЕУ
Главата горе Македонци: „Шугата“ е кај Макрон и ЕУ, време е сами да си ја средиме државата