Новиот пратеник на ВМРО-ДПМНЕ и меѓународен секретар во партијата, Тимчо Муцунски реагираше на својот Фејсбук профил по најавата на поранешниот член на партијата, градоначалникот на Кавадарци, Митко Јанчев, дека ќе го преземе ВМРО-ДПМНЕ.
„За мене терминологијата е многу значајна.
“Преземање” се прави на корпоративен ентитет. Постојат повеќе видови на преземања коишто ги познава современото корпоративно управување.
За разлика од корпоративниот свет, во науката за политиката и политичката пракса статусот/функцијата во демократските земји се здобива преку демократски методи. “Демократија” и “преземање” се веројатно два најдалечни поими во еден современ политички систем.
Во таа смисла, ВМРО-ДПМНЕ не е акционерско друштво туку политичка партија. Оттука, легитимитетот го дава и го одзема највредниот дел од партијата – членовите“, напиша тој.
ПОВРЗАНИ ВЕСТИ
Митко Јанчев најавува преземање на ВМРО-ДПМНЕ