Министерството за внатрешни работи информира дека во координација со Јавното обвинителство се преземаат сите неопходни мерки за целосно расчистување на случајот со пласирањето на снимки од нелегално прислушувани разговори преку Фејсбук.
„Утврдено е кој стои зад профилот на Фејсбук од каде што се пласирани овие содржини и за тоа е известено Обвинителството.
Исто така, известена е социјалната мрежа Фејсбук односно надлежните во оваа компанија се известени дека се пласирани нелегални содржини преку нивниот сервис.
По целосното расчистување на случајот, МВР ќе поднесе кривична пријава против сторителот и за тоа соодветно ќе ја информира јавноста“, се вели во известувањето од МВР.
ПОВРЗАНИ ВЕСТИ
„Илија громовник“ доби конкуренција: „Експлодираа“ нови бомби
„Бомбите“ ќе пукаат по потреба: Кој се ги поседува освен СЈО