Народната банка соопшти дека денес ќе се одржи аукцијата на којашто понудата на благајнички записи е за 8 милијарди денари помала во споредба со аукцијата спроведена во март.
„Ослободените средства во износ од околу 130 милиони евра се очекува да овозможат натамошна поддршка за македонската економија преку поттикнување на кредитната активност на банкарскиот систем.
Преземањето на ваквиот чекор од страна на Народната банка следува по намалувањето на основната каматна стапка, регулаторните измени со коишто се обезбедува поголема флексибилност и им се остава поголем простор на банките да се фокусираат на процесот на кредитирање, како и на измените кај задолжителната резерва со коишто се ослободува дополнителна ликвидност и му се дава поддршка на кредитирањето на најпогодените сектори во економијата.
Обезбедувањето дополнителна ликвидност е особено важно, имајќи ја предвид специфичноста на шокот од пандемијата на ковид-19 и мерките коишто се преземаат за справување со него“, соопшти Народната банка.
ПОВРЗАНИ ВЕСТИ
„Отиде“ Македонија додека банките најдат „алтернативен“ начин за исплата на пензиите во готово
Топ пет најпрофитабилни компании на берзата: Трите големи банки убедливо на врвот
Детален преглед: Банките решија да наплаќаат камати на „корона кризата“