Драги Рашковски, генералниот секретар на Владата е под истрага на Обвинителството за гонење на организиран криминал и корупција за спорниот тендер за набавка на радарски систем.
Од Обвинителството денеска информираа дека кон овој предмет споена е и кривична пријава поднесена од политичка партија.
„По реакциите во јавноста во кои обвинителството се повикува да го расветли случајот со спорниот тендер за набавка на радарски систем, Основното јавно обвинителство за гонење на организиран криминал и корупција ја известува јавноста дека веднаш по објавената аудио-снимка е отворен предмет по допрен глас.
Во меѓувреме кон овој предмет е споена и кривичната пријава поднесена од страна на политичка партија. Во август надлежниот јавен обвинител што постапува по предметот до Министерството за внатрешни работи издаде Наредба за прибирање на севкупната документација за предметот“, се наведува во соопштението од Обвинителството.
Наредена е и темелна анализа на документацијата, по што обвинителството ќе донесе мериторна јавнообвинителска одлука за понатамошниот тек на постапката.
ПОВРЗАНИ ВЕСТИ
Антикорупциска побарала М-НАВ да ги достави документите од набавката на радарскиот систем
Фото: Влада