Со свое видување на последните случувања за обезбедување на потребното мнозинство за уставните измени, предвидени со Договорот од Преспа, на својот Фејсбук профил, се осврна и политичкиот аналитичар Ѓорги Спасов.
„Касами и Села не ја гледаат големата слика.
Со прифаќање на сегашните амандмани на Уставот и со подршка на тие амандмани од нивна страна, Македонија ќе го направи својот најголем исчекор кон членство во НАТО и во ЕУ.
Тоа членство е гаранција за решавање на сите други прашања кои може би не се соответно решени во Уставот.
Но, ако заради нивните уцени Македонија остане надвор од НАТО и од ЕУ тогаш шансите за решавање на такви прашања,токму Касами и Села ќе ги сведат на минимум.
Државјанството како припадност на граѓанинот на една држава и исто така едно од идентитетските обележја на човекот покрај неговата етничка припадност и потекло.
Грчката опозиција и бугарски националистички кругови би биле пресреќни таа отстапка од Грција за која се избори преговарачкиот тим од Македонија сега некој како Касами и Села да ја оспоруваат.
Таквата нивна кусогледа политика е само еден вид политичка одмазда кон Заев и турање бензин врз македонскиот национализам.
Не е за верување дека тие ова не го знаат.
Ова е само обид од нивна страна да си ја подигнат важноста во политиката, да заработат неколку националистички поени пред ДУИ и Беса на Африм Гаши и да го вратат тркалото на промените во насока на нова етничка и непомирлива мобилизација на гласачкото тело во двата кампа.
Ако е тоа се што смислиле тогаш дефинитивно лошо смислиле и време е да му дадат шанса на процесот кој од самиот почеток го подржуваат“, пишува Спасов.
ПОВРЗАНИ ВЕСТИ
Сакаат ли Села и Касами да бидат обележани како главна пречка за влез на Македонија во НАТО?
Да се тргне „македонско“ од државјанството: Што бара Касами од Заев
„Македонскиот народ“ да се замени со „граѓани“: Што ќе бара Села од Заев
Османи: Најлошата услуга за Албанците е да се испрати порака дека се кочничари на членството во НАТО
Фото: Фејсбук/Спасов