Луѓето зборуваат за омикрон како да е настинка, тој не е лоша настинка, тоа е животозагрозувачка болест, објави Си-ен-ен и наведува петте причини, зошто не треба намерно да се обидувате да се заразите со омикрон.
Иако се помали шансите од хоспитализација и смртен исход, сепак, тоа не значи дека омикронот не може да биде тешка болест посебно за вакцинираните лица што имаат 65 години или постарите, кај луѓе со ослабен имунолошки систем или луѓе што имале барем една од следните здравствени состојби: дијабетес или хронична бубрежна, срцева, пулмонална, невролошка болест или заболување на црниот дроб.
Имено, висока температура, болки во телото, отечени лимфни јазли, болки во грлото често се појавуваат како симптоми и кај луѓе со лесна форма на болеста.
Како втора причина се наведува, тоа што од омикрон варијантата исто така може да се добие долг ковид феномен кој се карактеризира со исцрпувачки симптоми како отежнато дишење, силен замор, треска, вртоглавица, мозочна магла, дијареа, палпитации на срцето, болки во мускулите и стомакот, промени во расположението и тешкотии со спиењето.
Третата причина е што доколку сте заболени со омикрон, ќе ги загрозите сите околу вас како и вашите деца, кај кои има зголемен број на инфекции. Зголемениот број на инфицирани деца, ја зголемува можноста за нивна хоспитализација.
Како четврта причина се наведува оптоварувањето на здравствениот систем. Според последните информации од Министерство за здравство, во Македонија се уште нема оптоварување на болниците, но е зголемен бројот на амбулантски прегледи, што од друга страна значи, огромна оптовареност на лекарите.
Петто, во текстот се наведува дека ниту на времето, не била паметна идеја родителите што намерно ги мешале децата со другите деца за да фатат сипаници и порано да ги прележат, па така, ист е случајот и со омикронот.
Фото: Унсплаш