Државниот завод за статистика (ДЗС) соопшти дека просечната месечна исплатена нето-плата по вработен, во декември 2019 година изнесувала 26.836 денари.
Анализата на податоците на ДЗС покажува дека во Македонија има професии каде просечната плата е за два и пол пати повисока од државниот просек.
Пример за тоа е секторот компјутерско програмирање, консултантски и сродни дејности каде просечната плата во декември изнесувала 68.255 денари со што вработените во оваа дејност се на врвот на листата најплатени професии.
Потоа следуваат секторите производство на основни фармацевтски производи и фармацевтски препарати со просечна плата од 46.111 денари, финансиско-услужни дејности (44.377 денари), воздухопловен транспорт (42.029 денари) и осигурување, реосигурување и пензиски фондови (41.148 денари).
ПОВРЗАНИ ВЕСТИ
Најнеплатени професии: Можат само да сонуваат за просечна плата
Рекорден пораст: Просечната плата за еден месец „скокна“ за 1.049 денари