Се уште е рано за да се даде општа препорака за маските да не се носат на отворено, изјави денеска министерот за здравство Венко Филипче.
Во одговор на новинарско прашање, Филипче рече дека за ова е разговарано утрово, но оти заклучокот е дека треба да се причека уште недела или две за една ваква мерка.
„Следниот чекор би бил, но се уште е рано да кажеме кога би било тоа, да се носат маските како претходно, односно само во група надвор. Засега е рано.
Тоа ќе биде следно за што ќе разговаравме. Утрово инициравме дискусија и заклучокот е дека треба да почекаме уште недела или две,“ рече Филипче.
Засега е рано и да се организираат свадби и концерти.
– Се уште не се дозволени концертите и свадбите, бидејќи стравуваме дека во овие случаи може да се намали дистанцата меѓу луѓето кои се присутни и затоа одиме постепено. Ако продолжат трендовите, ќе бидат дозволени и концертите, нагласи Филипче.
ПОВРЗАНИ ВЕСТИ
Зголемување на бројот на деца во градинките, предлага Комисијата за заразни болести
Здравствените работници да можат да користат годишни одмори, предлага Комисијата за заразни болести
Комисијата за заразни болести предлага вежбалните, фитнес центрите и теретаните да почнат со работа
Предлог до Владата: Полицискиот час да почнува на полноќ, угостителите да работат до 23.30 часот
МИА