Од Министерството за здравство информираат за шест новопочинати лица од коронавирусот во Македонија.
Со тоа вкупната бројка на починати од вирусот во земјава порасна на 71.
“На Клиниката за инфективни болести и фебрилни состојби починаа две лица од Прилеп, пациент на 58 години, хоспитализиран на клиниката од 19 април и 63 годишен пациент на болничко лекување од 9 април, и двајцата приклучени на механичка вентилација.
Во ГОБ „8 септември“ починаа три лица, двајца пациенти од Скопје на 75 и 58 годишна возраст и двајцата хоспитализирани на 26 април, и пациентка од Тетово на 51 година, хоспитализирана од 12 април.
Пред два дена почина и пациентка од Скопје на Клиниката за онкологија на 71 година. Нејзиниот позитивен резултат на ковид-19 е стигнат во текот на вчерашниот ден“, информираат од Министерството за здравство.
ПОВРЗАНИ ВЕСТИ
Убава вест: 36 новоизлекувани од коронавирусот во Македонија, вкупно 589
Вкупно 1.421: Нови 22 случаи на заболени од коронавирусот во Македонија