Граѓаните немаат за што да бидат загрижени во однос на безбедноста, изјави денеска министерот за внатрешни работи Оливер Спасовски.
„Бројот на исчезнати лица се намалува постојано, и оваа година е помал од тоа што бил претходно. Ефикасноста на пронаоѓање на исчезнати лица по пријава е 94 проценти. Јас само апелирам до граѓаните на одговорен однос и одговорен пристап. Затоа што најлесно е да седите пред компјутер и да напишете нешто што дополнително ќе ги вознемирува граѓаните.
Вчера прочитав некакви информации за наводни исчезнувања, па после се наоѓаат со недостаток на одредни органи. Апсолутно демантирам. Сите овие случаи кои се пронајдени, се врши обдукција на нивните тела и се знаат точно извештаите“, рече Спасовски.
ПОВРЗАНИ ВЕСТИ
Детален преглед: За исчезнати се водат 64 лица
„Не збори со непознати“, така ги испративме децата утрово на школо
Фото: Влада