Поради појава на коронавирусот, Србија привремено затвори 44 гранични премини за патен, железнички и речен сообраќај, кон Унгарија, Романија, Бугарија, Црна Гора, Хрватска, Северна Македонија и Босна и Херцеговина, како и неколку внатрешни гранични премини.
Како што јави дописникот на МИА од Белград, кон Северна Македонија, затворени се граничните премини Прохор Пчински и Голеш – Голема Црцорија, објавено е на веб-страницата на Министерството за внатрешни работи.
Граничните премини кои се затворени кон Бугарија се: Мокрање, Стрезимировци и Рибари.
Кон Унгарија и Романија, за патнички сообраќај затворени се премините: Растина, Бајмок, Бачки Виногради, Хоргош 2, Кањижа (речниот), Чала, Рабе, Врбица, Кикинда, Наково, Јаша Томиќ, Калуѓерово, Голубац, Долни Милановац, Текија, Кладово и Ѓердап 2.
Кон Црна Гора затворени се премините: Годово, Врбница и Јабука, кон БиХ – Прибој, Царево поле, Мокра Гора, Сремска Рача, Перучац, Мали Зворник-стариот мост и Јамен – скелскиот транспорт.
Кон Хрватска, затворени се премините: Сот, Љуба, Нештин, Богоево, Апатин, Бездан, Нови Сад (речниот) Беркасово и Вајска – скелскиот премин.
Внатрешни гранични премини кои се привремено затворени се во Белград – речниот граничен премин и воздушниот премин на аеродромот Морава (Краљево) и Вршац.
МИА/Фото: Влада
ПОВРЗАНИ ВЕСТИ
Поради корона вирусот Албанија забрани меѓуградски сообраќај
Со корона вирус заразени и вработени во грчки медиуми
Канадскиот премиер Џастин Трудо во самоизолација, неговата сопруга со симптоми на корона вирусот
Бројот на заразени со корона вирусот во Грција се искачи на 117 лица