Екипата на македонскиот документарец „Медена земја“ ќе биде наградена со три милиони денари, одлучи на седница Владата.
За одлуката на Фејсбук синоќа информираше министерката за финансии, Нина Ангеловска.
– Нашите Медени, вчера го освоија најважниот Оскар – за човечност, едноставност, свесност за животната средина и големо. Ги освоивте нашите срца и срцата на милиони луѓе низ целиот свет и со еден симболичен гест сакаме да се заблагодариме – затоа вечерва донесовме одлука на владината седница за парична награда од 3 милиони денари за екипата Медени.
Бидејќи го додадовте епитетот ”Медена” на нашата земја. Бидејќи нѐ направивте тооолку горди! , напиша Ангеловска.
„Медена земја„ постигна историски успех. За прв пат македонски филм беше номиниран во две категории за престижниот Оскар.
Исто така за прв пат документарец беше номиниран и во категоријата за интернационален филм.
За жал не освои статуетка.
ПОВРЗАНИ ВЕСТИ
(ВИДЕО) Како се роди „Медена земја“
„Атиџе е нашиот Оскар“: Твитер реакции за „Медена земја“ и Оскарите
(ВИДЕО) Атиџе прекрасна: Како изгледаше екипата на „Медена земја“ на Оскарите
Фото: Фејсбук/Медена земја