Владата на една од последните седници им доделила право на апанажа на четворица разрешени функционери.
На Бардул Насуфи, разрешен од должноста директор на Бирото за јавни набавки му е утврдено право за остварување плата по престанувањето на функцијата, за време од 9 месеци, сметано од 17.7.2019 година до 17.4.2020 година.
Владата на Милутин Станиќ, разрешен од должноста директор на Управата за развој и унапредување на образованието на јазиците на припадниците на заедниците, орган во состав на Министерството за политички систем и односи меѓу заедниците, му утврди право за остварување плата по престанувањето на функцијата, за време од 9 месеци, сметано од 24.7.2019 година до 24.4.2020 година.
На Кирил Петров, разрешен од должноста директор на Државниот архив на Република Северна Македонија му е утврдено право за остварување плата по престанувањето на функцијата, за време од 12 месеци, сметано од 17.7.2019 година до 17.7.2020 година.
Владата на Вулнет Адеми, разрешен од должноста директор на Агенцијата за странски инвестиции и промоција на извозот, му утврди право за остварување плата по престанувањето на функцијата, за време од 9 месеци, сметано од 17.7.2019 година до 17.4.2020 година.