Премиерот Зоран Заев ја повика јавната обвинителка Вилма Рускоска да ја потврди веродостојноста на записникот од исказот на сведокот-жртва, бизнисменот Орце Камчев даден во Јавното обвинителство за случајот „Рекет“.
Заев тврди дека тоа што беше објавено за него во медиумите не е точно и најави тужба за клевета, за медиумите кои го објавија записникот.
„Апсолутна обврска е на Обвинтелството да објави дали е тоа така. Јас како што видов има една страна од записник, а потоа се прераскажува, што претставува сериозна манипулација.
Ги охрабрувам новинарите да истражуваат, да доловат се што е важно за јавноста, но не да прават манипулации, за што има одговорност. Лично јас, а верувам и Радмила Шекеринска, Никола Димитров, Фросина Ременски и сите што се спомнати таму ќе ги повикам да поднесеме заедно тужба за клевета и таму да се отворат документите и на јавноста да кажеме дека тој што го напишал лаже“, изјави Заев, додавајќи дека ако се докаже дека има вмешани и било кој од политичарите е виновен, ќе побара одговорност.
ПОВРЗАНИ ВЕСТИ
Ременски и сопругот ќе се приклучат кон тужбата на Заев, Димитров и Шекеринска
И Шекеринска најави тужба за „Рекет“
Димитров: Одвратна инсинуација дека сум вмешан во „Рекет“, прв пат ќе тужам
Фото: Влада