Од ОЈО за гонење на организран криминал ја потврди автентичноста само на објавената фотографија од првата страница од записникот од сведочењето на бизнисменот Јордан Камчев за случајот „Рекет“, објави порталот на 360 Степени.
Во тој дел, Камчев раскажува за почетокот на средбите со Бојан Јовановски (Боки 13) и нивната првична комуникација.
Но, шефицата на ОЈО за гонење на организиран криминал, Вилма Рускоска, не ги потврдува останатите наводни делови од сведочењето на Камчев кои ги објавија дел од медиумите иако тие не можат да се прочитаат од единствената објавена страница, пишува порталот.
„Обвинителката Русковска ја потврдува веродостојноста на сликата од објавениот записник. Останатите заклучоци и коментари на авторот, како што веќе беше истакнато во соопштението на обвинителството, нема да ги коментира. Оригиналните списи од предметот ги поседува само обвинителството а копија од нив беше доставена до надлежниот суд“, велат од ОЈО за гонење на организиран криминал и корупција.
Телевизијата Алсат, пак повикувајќи се упатен извор во Јавното обвинителство, објави дека дел од објавеното во медиумите, „ниту го има во записникот, ниту пак произлегува од содржината на записникот“.
ПОВРЗАНИ ВЕСТИ
Ременски и сопругот ќе се приклучат кон тужбата на Заев, Димитров и Шекеринска
Заев најави тужба за клевета за случајот „Рекет“
Димитров: Одвратна инсинуација дека сум вмешан во „Рекет“, прв пат ќе тужам
И Шекеринска најави тужба за „Рекет“
Фото: Телма