Жито лукс лани оствари загуба пред оданочување од 7 милиони денари, информираат од компанијата преку Македонската берза.
-Замрзнатите цени на производите од категоријата леб и брашно во јануари и февруари, како и енормното зголемување на цените на енергенсите (300%) и суровините (од кои пченицата како основна суровина 42%), се главните причинители за негативниот ефект.
Приходите од продажба се зголемени за 20%, при што оние на домашен пазар бележат зголемување за 20%, додека приходите од продажба на странски пазар се зголемени за 19% во споредба со минатата година.
Порастот на продажбите на домашен пазар се должи на корекцијата на цените во текот на годината, но и тие зголемувања не беа доволни за да се покрие континуираниот растечки тренд на цените на инпутите.
Останатите оперативни приходи изнесуваат 32.199 илјади денари и се зголемени за 96% како резултат на еднократен ефект, споредбено со истиот период минатата година.
Трошоците на произведени производи изнесуваат 932.173 илјади денари, што претставува зголемување за 23% во споредба со истиот период претходната година. Зголемувањето се должи пред се на гореспоменатиот раст на производните инпути.
Административните трошоци се зголемени за 4%, додека трошоците за продажба и дистрибуција се зголемени за 15%, велат од компанијата.
ПОВРЗАНИ ВЕСТИ
Димитриос Плакоутсис нов потпретседател на Управниот одбор на Жито лукс
Жито лукс со загуба во првите девет месеци