Грчко МНР: Македонија се враќа на дејствија што алудираат на иредентизам, прашањето за Договорот покренато на меѓународно ниво

Раководството на Македонија продолжува да го прекршува Договорот од Преспа, реагираа денеска од грчкото Министерство за надворешни работи.

Од тука, како што нагласуваат од таму, владата се враќа на дејствија од минатото, кои алудираат на иредентистичко расположение и, како што велат, “целосно непознавање на историјата“.

„Грчкиот министер за надворешни работи веќе детално ги покрена релевантните прекршувања на своите колеги во Советот за надворешни работи и ќе продолжи да го прави тоа.

Дополнително, ова прашање е покренато на меѓународно ниво од страна на грчката Влада“, се вели во соопштението.

Како што додаваат од таму, “раководството на Северна Македонија секојдневно се повеќе се оддалечува од добрососедските односи кои го сочинуваат јадрото на европското законодавство и меѓународното право“.

ПОВРЗАНИ ВЕСТИ

Средбата на Сиљановска со преставници на здруженија на Македонците од Егејскиот дел на Македонија предизвика „бура“ во Грција

Грција го отвори прашањето за Договорот од Преспа пред Европскиот совет и ги обвини Мицкоски и Сиљановска за негово непочитување

Бугарија бара ЕУ да ја потсети Македонија за францускиот предлог

Фото: Влада