Најавениот за утре штрајк на Струковиот синдикат на контролори на летање (ССКЛ) е ставен во мирување додека не се реализира најавеното разрешување на директорите на Македонска навигација (М-НАВ), друштво во државна сопственост.
Синдикатот бараше разрешување на сите тројца директори на М-НАВ, но Владата денеска на Надзорниот одбор на Друштвото, му препорача разрешување само на двајца, извршниот директор и претседателот на Управниот одбор на М-НАВ, Фахрудин Хамиди и секторскиот извршен директор во М-НАВ, Љубе Стаменковски.
ПОВРЗАНИ ВЕСТИ
Разрешени двајца од тројцата директори на М-НАВ
За секторскиот директор Хасим Деари, пак нема препорака за разрешување.
-По одлуката на Владата го ставаме штрајкот во сирување. Ова е придвижување на работите.
Ќе ја анализираме целата состојба и случувања и ако има позитивна реализација на препораката од Владата до Надзорниот одбор ќе ја повлечеме одлуката за штрајк, изјави за државната агенција МИА Александар Тасевски, претседател на ССКЛ.
ПОВРЗАНИ ВЕСТИ
Фото: М-НАВ