Новоименуваниот в.д. директор на Казнено-поправната установа Затвор Струмица, Зоран Ристов, денеска информираше дека во моментов во бегство се 23 затвореници.
Во своето видео-обраќање за затекнати состојби, тој вели дека во изминатиов период во пракса било преку телефонски повик да се даде погодност на затвореник со зборовите „Јас стојам зад тоа’’.
„Ваквите процеси во претстојниов период уредно ќе се истражат. Оваа пракса во КПУ Затвор Струмица завршува и одговорност мора да следува. Прва моја задача е се врати достоинството и работниот имунитет на вработените,“ изјави Ристов.
Тој посочува дека, согласно Законот за извршување на санкции и куќен ред, КПУ Затвор Струмица ќе го врати нормалниот процес на ресоцијализација на осудените лица и најавува носење на годишен план за работа за подобрување на стандардот на затворениците во делот на услови за живот и работа.
Фото: Унсплеш