Детето кое завчера падна од шести кат од зграда во скопска Кисела Вода е со повреди на повеќе органи и е во стабилна состојба.
ПОВРЗАНИ ВЕСТИ
Малолетникот има 9 години: Познат идентитетот на жената која почина по пад од зграда во Кисела Вода
Тоа е сместено на интензивна нега на Клиниката за детска хирургија во Скопје, е надвор од животна опасност и е под постојана опсервација.
Д-р Лазо Јовчески, в.д. директорот на Клиниката, за телевизијата Телма вели дека детето има повреди и скршеници на повеќе системи и органи, почнувајќи од главата, рамото, повреди на белите дробови, фрактури на ребрата и карлицата.
Дише самостојно, со кислородна поддршка и засега нема индикации дека е потребен оперативен зафат.
Засега не е познато што всушност се случило и како дошло до несреќата. Познато е дека 69-годишната жена која почина при падот е баба на детето и дека неговите родители не биле дома кога се случила несреќата.
Медиумите објавија дека прво на тревникот пред зградата паднало детето, а потоа на ограда пред зградата и неговата баба.
Нема официјална потврда за овие информации.
ПОВРЗАНИ ВЕСТИ
Жена почина по пад од зграда во Кисела Вода, малолетник заврши во болница со тешки повреди