Денеска се одржа комеморативна седница за Благоја Георгиевски-Буштур во организација на Кошаркарската федерација, Националниот олимписки комитет и Градот Скопје.
„Скопје претрпе голема загуба со згаснувањето на живот на нашиот драг Благоја Георгиевски-Буштур. Буштур беше еден од најдобрите македонски кошаркари на сите времиња. Како таков остави јасен и силен белег во историјата на македонскиот спорт.
Целата кариера, од првите чекори до последниот натпревар ја помина во својот Работнички. Тој беше миленик на навивачите и со секој натпревар одново ги освојуваше срцата на скопјани„, изјави градоначалникот Петре Шилегов.
Тој ги потсети присутните на неговите освоени два златни медали во поранешна СФРЈ, како и на прогласуването на Буштур за најдобар спортист во Македонија и за најдобар спортист на Град Скопје со добивањето на златната значка од Југословенскиот сојуз за физичка култура во 1972 година.
ПОВРЗАНИ ВЕСТИ
Во тешка сообраќајна несреќа, загина кошаркарската легенда Благоја Георгиевски-Буштур
На комеморацијата присуствуваа поранешни соиграчи на популарниот Буштур, голем број сегашни и поранешни кошаркари, кошаркарски работници, како и спортски работници од земјава и од странство.
ПОВРЗАНИ ВЕСТИ
Детали од МВР за несреќата во која загина легендарниот Благоја Георгиевски-Буштур
Фото: Град Скопје