Македонија пред неколку недели ги доби првите вакцини против Ковид-19, од соседна Србија. Во меѓувреме нашите власти си продолжија со фрази од типот „не овој месец, следниот„, па македонските граѓани (не дека не знаеа од порано дека нашиве по којзнае кој пат ќе ја оплескаат работа), решија да си ги земат работите во свои раце.
ПОВРЗАНИ ВЕСТИ
По новинари и полицајци и бизнисмени од Македонија ќе се вакцинираат во Србија
Прво во Врање, Србија, почнаа да се вакцинираат македонски граѓани кои имаат и српско државјанство, потоа почнаа и тие што немаат, (секој се снаоѓа како знае и умее, за здравје се работи), потоа благодарение на српската Влада и тамошното здружение на новинари, се вакцинираа и наши новинари, се најавува вакцинирање и на македонски полицијаци, македонски бизнисмени, благодарение пак на српската Влада и тамошната стопанска комора…
ПОВРЗАНИ ВЕСТИ
Читајќи ги сите овие вести и најави, нас не фаќа срам, но по се изгледа македонските власти не знаат што е срам.
Голема благодарност до српската Влада, поради која што и генерално започна вакцинацијата во Македонија, а едно големо УАА за македонската, која патем ја плаќаме за да се грижи за нашето здравје.
Деновиве од Босна и Херцеговина пристигна информацијата дека функционери добија кривична, бидејќи не набавиле вакцини и го загрозиле здравјето на граѓаните.
Време и нашите да заработат една таква кривична. И те како има материјал за истата.
ПОВРЗАНИ ВЕСТИ
Фото: МЗ