Русија под итно да ја повлече војската: Генералното собрание на ОН усвои резолуција за агресијата врз Украина

Генералното собрание на ОН усвои резолуција со која се изразува најдлабоко жалење за руската агресија врз Украина и се бара Русија веднаш да престане да се заканува и да користи сила против Украина и итно, целосно и безусловно да ги повлече сите свои воени сили од меѓународно признатата територија на Украина.

Резолуцијата беше усвоена со 141 глас „за“, пет „против“ и 35 воздржани.

Усвоената резолуција ја потврдува посветеноста на Украина за суверенитет, независност, единство и територијален интегритет во нејзините меѓународно признати граници.

Се изразува и жалење за одлуката на Русија во врска со статусот на украинските региони Доњецк и Луганск, со барање Москва веднаш и безусловно да ја поништи таа одлука.

Се повикува на итно мирно решавање на конфликтот преку политички дијалог, преговори, посредување и други мирни средства, како и почитување на договорот од Минск.

Во неа се нагласува жалење заради вмешаноста на Белорусија во нелегалната употреба на сила против Украина и го повикува Минск да се придржува до своите меѓународни обврски.

ПОВРЗАНИ ВЕСТИ

Руските мајки да дојдат во Киев да си ги земаат заробените синови, порачуваат од украинското Министерство за одбрана

Нема закана од директен конфликт меѓу Русија и НАТО, но постојат ризици, вели заменик шефот на руската дипломатија, Грушко

(Видео) Украински граѓани го блокираа пристапот на Русите до нуклеарната централа во Енергодар, најголема во Европа

МИА/Фото: Руско министерство за одбрана