Поранешниот пратеник на Беса, а сега независен, Кастриот Реџепи повторно е во фокусот на јавноста откако на социјалните мрежи беше објавена негова фотографија со функционерите на владејачката ДУИ, Изет Меџети и Блерим Беџети, дел од т.н. “огнена група“, кои јавно изразија незадоволство од друг функционер на партијата, Артан Груби.
ПОВРЗАНИ ВЕСТИ
(Фото) Пратеникот Кастриот Реџепи се приклучи на „огнената група“ во ДУИ
Од „огнените„ потврдија дека тој им се придржува, а Реџепи пак најави дека детали ќе соопшти во четврток.
Истовремено во медиумите се појави и шпекулација дека Беса или некоја друга опозициска партија во македонското Собрание деновиве ќе поднесе интерпелација за Груби, која наводно би била подржана од пратениците на „огнената група“, Меџети и Мерита Колчи Коџаџику, плус Реџепи, но и други пратеници од ДУИ и други владејачки партии, што може да го разниши кревкото мнозинство од 64 пратеници, но и да го „сруши“.
ПОВРЗАНИ ВЕСТИ
Реџепи: Мирен, со чиста совест самоволно се засолнив на денот на гласање доверба на Владата
Реџепи на јавноста и е познат како клучен пратеник за спас на актуелната влада на ДУИ и СДСМ, кога пред неколку месеци го повлече својот потпис (тогаш како пратеник на Беса) и не се појави на седницата во македонското Собрание за изгласување на недоверба на Владата.
Потоа беше исклучен од Беса.
ПОВРЗАНИ ВЕСТИ
„Абе не ви текна уште еден у скафандер да пратевте као демек Реџепи е“: Твитер реакции
Фото: Реџепи/Фејсбук