Македонија го алармирала НАТО за дојавите за бомби

Министерот за надворешни работи Бујар Османи при денешната посета на Општина Липково информриа дека вчера се алармирани структурите на НАТО за континуираните дојави за бомби во земјава.

Османи потенцраше дека се работи за хибридни закани што се случуваат и во регионот.

– Ова се случува и во регионот. Црна Гора одлучи училиштата да бидат онлајн поради секојдневните предупредувања за експлозивни направи. Истото се случува и во Хрватска.

И ова ми даде сигнал дека тоа е регионален пристап како хибриден напад врз регионот, за што беше и еден начин за да ја алармираме НАТО. Вчера комунициравме со структурите на НАТО за да видиме каков хибриден пристап кон регионот може да се случи, која може да биде причината, рече Османи.

Министерот Османи информира дека за форензиката на е-маиловите со закани контактираат и со другите партнери со кои земјава има билатерални односи за, како што рече, да видиме од каде доаѓаат изворите на овие елекстронски пораки.

ПОВРЗАНИ ВЕСТИ

Дојава за бомби и во “Мериот“, ФФМ, салата „Борис Трајковски“, 10 скопски и за првпат и во битолски училишта

Закани за убиства на невини луѓе, до „северномакедонската“ влада, премиерот и неговата партија во дојавата за бомба во Куманово

И НАТО не може да не спаси од лажни дојави за бомби

МИА/Фото: Влада