Од Јавното обвинителство информираат дека е пронајдено и лишено од слобода, едно од четирите лица, осомничени за упадот во Македонска навигација (М-НАВ), кои беа недостапни за органите на прогон.
-Надлежниот јавен обвинител во текот на денешниот ден беше известен од МВР дека е пронајдено и лишено од слобода уште едно од лицата кои беа опфатени со наредбата за истрага за истиот настан.
Јавниот обвинител до судијата на претходна постапка од Основниот кривичен суд Скопје ќе достави предлог за определување мерка притвор за осомничениот кој досега беше недостапен за органите на прогонот, велат од таму.
Од таму исто така регираат на вчлерашната одлука на Кривичниот суд Скопје на четири лица, осомничени за овој инцидент, да им одреди куќен притвор, а не затворски притвор како што бараше Обвинителството.
ПОВРЗАНИ ВЕСТИ
-Основното јавно обвинителство Скопје ја известува јавноста дека и покрај тоа што Основниот кривичен суд Скопје вчера информираше дека во предметот за случувањата во М-НАВ, Кривичниот совет определил мерки куќен притвор за четворица осомничени, а „против овие решенија странките имаат право на жалба пред Апелациониот суд Скопје во рок од 24 часа од приемот на решенијата“, сепак Законот за кривична постапка не дозволува Обвинителството да се жали на донесените решенија.
Имено, согласно член 169 став 3 од ЗКП, кој е наведен и во правната поука на донесените решенија, само обвинетиот има право на жалба во рок од 24 часа против решението на Советот и за таа жалба одлучува советот на повисокиот суд.
За ова веќе постои и претходна судска пракса на Апелациониот суд, па Обвинителството мора да ја почитува одлуката на Судот, иако и натаму смета дека мерката куќен притвор и определените дополнителни мерки на претпазливост не се доволни за обезбедување на осомничените и за заштита на постапката, велат од таму.
ПОВРЗАНИ ВЕСТИ
И поранешен фудбалер кој е во бегство меѓу напаѓачите во М-НАВ
Телма: Делото за кое се гонат напаѓачите на М-НАВ е меѓународно кривично дело