Еврокомесарот Јоханес Хан преку социјалната мрежа Твитер им честита на македонските граѓани за гласањето на референдумот. Според него, референдумот е успешен, бидејќи мнозинството што излегле гласале за договорот.
„Им честитам на оние граѓани што гласаа на денешниот консултативен референдум и ги остварија своите демократски права. Со мошне значајните гласови „да“, постои широка поддршка за Преспанскиот договор и за евроатлантскиот пат на земјата.
Сега очекувам сите политички лидери да ја почитуваат оваа одлука и да ја спроведат со најголема одговорност и единство меѓу партиите, во интерес на земјата“, напиша Хан.
Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.