Ексклузивниот Roof Bar 55 сместен на покривот од хотелот „DoubleTree by Hilton Skopje” ги отвора вратите за посетителите.
Извонредниот панорамски поглед на Скопје и интернационалната гастрономска понуда на барот, го сочинуваат овој уникатен пакет на софистицираност и врвно задоволство.
Освен престижниот Roof Bar 55, дел од понудата на „Хилтон“ во Скопје се и ресторанот „Монте“ кој нуди интернационална кујна од пет континенти, како и елегантен лоби бар во чиј склоп функционира и слаткарница во која може да се вкусат најразлични слатки специјалитети од целиот свет.
„DoubleTree by Hilton Skopje”, најновиот во синџирот луксузни хотели на реномираниот бренд, официјално почна со работа на 1 јануари годинава и веќе стана дел од мапата на патувања за многу гости.
Она што е особен белег на хотелите кои се дел од брендот „DoubleTree by Hilton Skopje“ е тоа што секој гостин се пречекува со традиционално колаче за добредојде, кое е домашно направено и свежо испечено, со цел уште при самото доаѓање гостите да го почуствуваат врвното гостопримство кое е главна одлика на хотелите од овој синџир.
ПОВРЗАНИ ВЕСТИ
(Галерија) Како изгледа претседателскиот апартман во „Хилтон“
(Фото) Колку чини една ноќ во првиот хотел на Хилтон во Македонија