Телекомуникациската компанија Vip, која е присутна на македонскиот пазар речиси 12 години e член на А1 Телеком Австрија Групацијата, водечкиот комуникациски провајдер во Централна и Источна Европа.
А1 Телеком Австрија Групацијата обезбедува услуги (мобилни и фиксни) за приближно 24 милиони корисници вклучувајќи телефонија, безжичен интернет, мултимедијални услуги, податочни услуги, решенија во облак и ИТ услуги, решенија за наплата и дигитални услуги.
Во 2017 година, А1 Телеком Австрија Групацијата ја објави одлуката постепено да го воведува моќниот А1 бренд за сите свои компании, вклучувајќи го и Vip на македонскиот пазар. Оттука, во текот на оваа година Vip брендот ќе биде заменет со А1брендот.
Со континуираните инвестиции и иновации уште од самиот влез на македонскиот пазар, Vip значително придонесува во развојот и унапредувањето на телекомуникацискиот пазар во земјата, велат од компанијата.
“Овој тренд и натаму ќе продолжи и под брендот А1, со нови вложувања во мобилната и фиксната инфраструктура, технологии и мрежа на нови генерации, притоа поттикнувајќи го развојот на дигитално општество.
Во исто време, под новиот А1 бренд, компанијата ќе продолжи да нуди иновативни решенија кои ќе одговараат на сите комуникациски потреби на корисниците , притоа зацврстувајќи ја дигиталната трансформација на македонското општество“, најавуваат од компанијата.
„Пред речиси 12 години, Vip влезе на македонскиот телекомуникациски пазар и предизвика вистински конкурентен натпревар. Благодарение на револуционерните промени кои ги воведуваме уште од првиот ден, Vip силно го раздвижи македонскиот телекомуникациски пазар и успеа да го збогати и издигне целокупното корисничко искуство на едно сосема повисоко ниво.
Водејќи се од едноставното мото „Повеќе за вас“, им овозможивме на корисниците да уживаат во неограничена мобилна комуникација при што тие зборуваат повеќе, а плаќаат помалку.
Оттогаш па сè до денеска, континуирано воведуваме иновативни производи и услуги, како и изградба на сопствена 3G и 4G мрежа. Во текот на овие години, Vip се трансформираше од само-мобилен оператор, во потполно конвергентна компанија која нуди мобилна и фиксна телефонија, ТВ и ИКТ услуги.
Но, ние не застануваме тука. Со прилагодување на дигиталната еволуција која се случува околу нас, еволуираме и ние и стануваме дигитална компанија. Со брендот А1, сакаме да ја зајакнеме нашата позиција како партнер од доверба за нашите корисници, кој ќе им понуди соодветни решенија кои ќе ги збогатат нивните животи и потреби за дигиталната ера. Во соработка со нашите корисници, ќе осмислуваме нови паметни решенија со кои тие ќе можат да уживаат во дигиталното време“, изјави Мислав Галер, извршен директор на Вип.
Воведувањето на А1 брендот на сите пазари каде работи А1 Телеком Австрија Групацијата, не само што ќе ја зајакне позицијата на европскиот пазар, туку ќе им овозможи на сите А1 корисници од сите А1 пазари, доследно и единствено бренд искуство, велат од компанијата.
„И покрај најавата за промена на името, сите претходно стекнати права и обврски на корисниците, деловни партнери, клиенти или добавувачи остануваат непроменети и важечки, без потреба за промена на веќе постоечките договори.
Корисниците немаат потреба за замена на СИМ картичка, броеви, модеми или било каква опрема, а сите услуги и договорени процеси ќе продолжат да функционираат како и досега“, велат од компанијата.
За повеќе информации посетете ја веб страницата www.A1.mk
За А1 Телеком Австрија Групацијата
А1 Телеком Австрија Групацијата која котира на берзата во Виена е водечки провајдер на комуникациски решенија во Централна и во Источна Европа, со околу 24 милиони корисници во седум земји: Австрија (А1), Бугарија (A1 Bulgaria), Белорусија (Velcom), Хрватска (A1 Hrvatska), Словенија (A1 Slovenija), Србија (Vip mobile) и Македонија (оне.Вип).
На крајот на 2017 година приходот на Групацијата изнесува околу 4,38 милијарди евра обезбедувајќи комуникациски и платежни услуги, интернет, решенија за наплата и интегрирани деловни решенија.
Околу 19 илјади вработени и врвна широкопојасна инфраструктура овозможуваат дигитално работење и начин на живот истовремено овозможувајќи поврзување на луѓето, на компании и на нештата било каде и било кога.
А1 Телеком Австрија Групацијата е европска деловна подружница на еден од најголемите телекомуникациски провајдери América Móvil со седиште во Виена и овозможува пристап до глобални решенија.