Судијата во Врховниот суд, Киро Здравев е новиот претседател на Судскиот совет.
Тој е член на Судскиот совет од декември минатата година, а функцијата претседател на Советот ќе ја врши во наредните две години.
Тој доаѓа на местото на Зоран Караџовски.
Кој е Здравев?
Според неговата биографија, Здравев дипломирал во 1981 година на Правниот факултет при Универзитетот „Св. Кирил и Методиј“ во Скопје, а правосудниот испит го положил во 1982 година.
Во 1983 година е избран за судија во Општинскиот суд во Штип – Граѓански оддел.
Во 1988 година е избран за претседател на Општинскиот суд Штип – Кривичен оддел.
Во 1996 година е избран за судија во Апелациониот суд Штип – Граѓански оддел.
Во 2004 година е избран за судија во Врховниот суд на Република Македонија, каде што е распореден во Одделот за управни спорови и како дополнителен член во советот за граѓански дела.
Како судија во Врховниот суд на Република Македонија бил претседател на Одделот за граѓански дела и претседател на совет во овој оддел.
Во 1993 година станува член на Иницијативниот одбор за основање на Здружението на судиите на Република Македонија.
Од 1994 до 2002 година е член на Управниот одбор на Здружението на судиите.
Со основање на Академијата за судии и јавни обвинители „Павел Шатев“ е ангажиран како едукатор за почетна и континуирана едукација.
Член е на повеќе комисии за измена и дополнување на закони и за изработка на Граѓанскиот законик на Република Македонија.
Во 2001 година со членовите на Одборот на Центарот за едукација бил на студиски престој во Националниот судиски колеџ во Рино (Невада) и во Вашингтон, САД.
Автор е на повеќе трудови.
ПОВРЗАНИ ВЕСТИ
Каков имот пријавил Киро Здравев, новиот претседател на Судскиот совет
Судијата Киро Здравев е новиот претседател на Судскиот совет
Фото: Телма