Двајцата кандидати за претседател на државата, Гордана Силјановска Давкова и Стево Пендаровски уште денеска ќе имаат можност да ги убедуваат гласачите да излезат да гласат во недела.
Токму излезноста на вториот круг од претседателските избори е очигледно најголемиот проблем или можност, (за кој како), за учесниците во овој изборен процес.
Потребниот цензус од 40% е во фокусот уште пред изборите, а останува главна тема и до самиот крај на изборите.
Во фокусот на јавноста и медиумите е и дали во вториот круг ќе излезат да гласат и албанските граѓани, кои во првиот круг го дадоа својот глас за третиот кандидат, Блерим Река. Тој вчера ги повика граѓаните да излезат да гласат, но никој не може да гарантира дека може неговите гласачи и да си останат дома.
Никој не може да каже со сигурност и како ќе се однесуваат гласачите на ДУИ, која беше обвинета за тивок бојкот во првиот круг, но и симпатизерите на другите политички партии од т.н. албански блок.
Имајќи ги предвид резултатите од првиот круг, без гласовите на Албанците, тешко ќе оствари потребниот цензус, што пак отвара врата што и те како оди во прилог на ДУИ – актуелниот претседател на Собранието, Талат Џафери, барем на кратко да стане првиот Албанец претседател на државата.
ПОВРЗАНИ ВЕСТИ
Што ќе се случи ако нема цензус: За избор на претседател треба да гласаат најмалку 723.253 граѓани
Во пресрет на изборите: Албанското знаме откри рогови во вреќата на Владата
Река повика граѓаните масовно да излезат на 5. мај, на кој му даде подршка?
Убава вест: Последен ден од кампањата за нов претседател на државата, од полноќ изборен молк