Во период кога на стаклени нозе се држи правосудниот систем и довербата во извршната власт во земјава поради случајот „Рекет“, пропагадната машинерија во владејачката СДСМ реши со „спинови“ и договорени бот-пораки да се обиде да ги амортизира негативните ефекти од големата криминална афера која пред очите на партијата на власт се одвивала во земјава во време кога се чека правда за криминалците од претходната владејачка гарнитура.
Имено, видни актуелни и поранешни функционери од СДСМ вчера како договорени ја пренесоа пораката дека:
„Нема одлагање! Туку напротив, ќе се забрзат Титаник, Тврдина, Таргет, Транспортер, ТНТ, Титаник 2, Тортура, Тврдина 2, Насилство, Трезор, Топлик, Тендери, Тарифа, Тенк, Труст, Триста, Тотал, Траекторија, Талир, Империја, Странски Служби, Актор, Лидери, Тарифа 2, Транспортер 2, Моќник, Дизајн, Поштенска банка, Пропаганда, Империја 2, Хармонија Базни Станици, Подарок и еден куп други.
Затоа сакаат да ја срушат правдата, да ја стопираат 🇲🇰 да почне преговори со #ЕУ, да влеземе во #НАТО и да одиме напред. Но, ништо не им успеа нема ни ова. Ударот правдата ќе го зададе за секој, ама буквално за секој, и со тоа ќе успее“.
Истовремено, премиерот Зоран Заев вчера на социјалната мрежа Фејсбук објави дека за две години во државава има нови 49.552 вработувања и оти тие бројки се однесуваат за нововработени граѓани, а не за новоиселени.
„Нови 49.552 вработувања во Северна Македонија за две години! Според Државниот завод за статистика, во првиот квартал на 2019 година евидентирани се 789.414 вработени лица, додека во првиот квартал на 2017 година вкупно вработени биле 739.892 лица. Тоа не се ново-иселени лица, туку ново-вработени граѓани, тука, во нашата земја“, наведе Заев.
Меѓутоа, попусто се сите нови вработувања и очигледната договорена порака од ботовите од СДСМ дека аферата „Рекет“ се случува бидејќи следува разрешница од предметите од СЈО.
Граѓаните веќе подзаборавија на содржината од „бомбите“ со кои СДСМ дојде на власт, но затоа многу им се свежи видео и аудио снимките за аферата „Рекет“.
Така што, единствен начин власта да ја врати довербата во институциите е да се завршат сите предмети покренати од СЈО, но и да се гонат сите партиски функционери од СДСМ вмешани во аферата „Рекет“.
Во спротивно, народот ќе ја препознае манипулацијата и тоа ќе значи крај за актуелната владејачка гарнитура на следните избори.
ПОВРЗАНИ ВЕСТИ
Јовески не открива дали и кога Катица Јанева ќе даде исказ за „Рекет“
Заврши судската ферија: СЈО ќе „тера“ со судските предмети и ќе одговара за „Рекет“