Делегацијата на Заев дојде со конкретен предлог кој сериозно и сеопфатно ќе го разгледаме, рече бугарскиот премиер Јанев

Привремениот бугарски премиер Стефан Јанев, по средбата со премиерот Зоран Заев рече дека македонската делегација дошла кај него со конкретен предлог, што ќе биде сериозно разгледан во наредните денови.

„Делегацијата на Заев дојде со конкретен предлог, што ќе го разгледаме сеопфатно и професионално во наредните денови. Констатиравме дека во моментов имаме прозорец на можности да работиме по нерешените прашања за исполнување на Договорот за добрососедство од 2017 година.

Сега ни е приоритет да создадеме атмосфера на доверба, пријателство и на дијалог, кои би помогнале на нашите експерти и политичари да дојдат до решение.

Во рамки на овој дијалог, треба прво да ги решиме меѓусебните проблеми, за да не остават проблеми во европското семејство,“ изјави Јанев.

Тој додаде дека основна точка на денешните разговори била европската перспектива на Македонија и можностите за почнување разговори за одржување на првата меѓувладина седница со ЕУ.

ПОВРЗАНИ ВЕСТИ

Заев верува дека може да се најде решение, со бугарскиот колега Јанев разговарале и за португалскиот предлог

Немаме проблем со отворање на историските архиви, порача Заев по средбата со бугарскиот премиер Јанев

Заев и Димитров на средбата со Нинова ѝ соопштиле дека македонската делегација во Софија е со искрени и чесни намери

Фото: Твитер/Заев