Австрискиот новинар Флориан Кленк тврди дека еден од напаѓачите во терористичкиот напад во Виена е по потекло од Тетово.
Според него станува збор 20-годишно момче, родено и израснато во Виена, со албански корени, а неговите родители потекнуваат од Македонија.
ПОВРЗАНИ ВЕСТИ
(Вознемирувачко видео) Терористички напад во Виена, загинаа најмалку три лица
„Името на терористот е Куртин С. Роден е во 2000 година во Виена и има албански корени. Неговите родители потекнуваат од Северна Македонија и се незабележителни кога станува збор за исламизмот.
Терористот бил на радар за конституционална заштита, бидејќи тој бил еден од околу 90-тината австриски исламисти кои сакале да заминат во Сирија. Тој бил спречен да го стори тоа во јули годинава. Полицијата не веруваше дека планира терористички напади во Виена“, напиша Кленк.
„AlertChannel“, исто така на Твитер објави дека еден од наѓачите е Албанец од Тетово во Северна Македонија.
„Според информациите, името на еден од терористите е Куртин С. Тој е роден во Виена, но е Албанец од Тетово, Северна Македонија“, пишува „AlertChannel“.
#UPDATE #Vienna According to information one of the perpetrators is called "Curtin S.". He was born in 2000 in #Vienna, he is #Albania|n origin from Tetovo in "Northern Macedonia". He was identified as a terrorist suspect. pic.twitter.com/eFasHn3wSJ
— 🅰🅻🅴🆁🆃 🅲🅷🅰🅽🅽🅴🅻 (@AlertChannel) November 3, 2020
Фото: news.sky.com